Tuesday, May 20, 2014

සම්බුදු සිරිත සිතුවමට නැගූ පුංචි සිත්තරාවිය ...

වෙසක් සතිය කෙමෙන් කෙමෙන් නිමා වුනත් වෙසක් සිරිය නම් තාමත් වට පිටාවෙන් නිමා වෙලා නෑ. ඉතින් වෙසක් හා බැඳුනු තවත් සුවිශේෂී දෙයක් ගැන පුංචි සටහනක් තියලම වෙසක් සතියට සමු දෙන්න තුශානි තීරණය කලා. ඒ හෙට දවසේ පිපෙන්නට වෙර දරණ පුංචි මල් කැකුළක් වෙනුවෙන් කැකුළු ගොමුවේ ඉඩක් වෙන් කරලා.

සරලව කියනවා නම්  පැන්සල් ඉරෙන්, පාට කූරෙන් ලොකු හපන් කමක් කළ පුංචි සිත්තරාවියකගේ අපූරු හැකියාවක් ගැන තොරතුරු ටිකක් කියන්න. ඇය නමින් ඉමාෂා නිමේන්දි. 7 වෙනි ශ්‍රේණියේ තමයි ඉගෙන ගන්නේ.. තුශානිගේ අසල්වැසි නිවසක ඉන්න ඇය අතින් සිතුවම් වූ චිත්‍ර වලින් නිර්මාණය වුනු වෙසක් තොරණ තමයි මේ පහලින් තියෙන්නේ..







සුදු කොළය පුරා ඇඳුනු පැන්සල් ඉරි එකින් එක එකතු වෙලා මිනිස් රූප ගොඩනැගෙන හැටිත් ඒ මිනිස් රූප එක එක පාට කූරු වලින් වර්ණවත් වෙන හැටිත් දවසින් දවස තුශානිට දකින්න ලැබුනා. ඒ දකින හැම වාරයක් පාසාම තුශානිගේ හිතට ලොකු සතුටක් දැනුනා වගේම මෙවැනි විශිෂ්ට නිර්මණයකින් එවා එළි දැක්වෙයි කියන ලොකු විශ්වාසයකුත් තුශානිගේ හිත ඇතුලේ තිබුනා. 

විශාල ප්‍රමාණයේ සුදු කඩදාසියේ නිර්මාණය වු සිතුවම් 10 ක එකතුවක් ලෙස මේ අපූරු තොරණ නිර්මාණය වුනේ ඒ බලා පොරොත්තුව මල් ඵල ගන්වමින්. සම්බුදු සිරිතේ විවිධ අවස්ථාවන් තමයි සිතුවම් වල තේමාවන් බවට පත්වෙලා තිබුනේ.ඉතින් මේ අපූරු තොරණ වෙසක් දින කීපය පුරාවටම ගමේ පන්සලේ පන්සල් භූමිය එළිය කරමින් ප්‍රදර්ශනය වුනා.

බ්ලොග් පි‍ටු අතරත් ඉන්නේ නිර්මාණයක් රසවිඳින්න පුළුවන්  නිර්මාණශීලී හදවතක් තියෙන පිරිසක් නිසාවෙන්ම මේ පුංචි සිත්තරාවියගේ හපන් කම් බ්ලොග් පි‍ටු අතරට  ගෙනැත් ඇයට ශක්තිය, ආශිර්වාදය ප්‍රාර්ථනා කරලා ඇගේ ඉදිරි ගමනට සුබ පතන් හිතාගෙනයි කෙටියෙන් වුනත් මේ සටහන තිබ්බේ.

Saturday, May 17, 2014

කැලණි පුර වෙසක් සිරි...

සම්බුදු පියාණන් වහන්සේගේ උතුම් වු තෙමගුල සිහිපත් කරමින් මේ දවස් වල ලොව පුරා ආමිස හා ප්‍රතිපත්ති පූජාවන් පැවැත්වෙනවා.. ඒ ආමිස පූජා අතුරින් තොරණ හා පහන් කූඩු වලට හිමිවෙන්නේ ප්‍රමුඛ ස්ථානයක්.

තොරණ හා පහන් කූඩු වලින් රටම ආලෝකමත් වෙද්දී කැලණි පුරවරයත් වෙසක් සිරියෙන් නැහැවෙමිනුයි පවතින්නේ.. ඉතින් බුදු පියාණන් වහන්සේගේ පා පහස ලැබූ කැලණි පුරවරය ඒ වෙසක් අලෝකයෙන් නැහැවී පවති ආකාරය ලංකාවේ අනෙක් ප්‍රදේශ වල ඉන්න අපේ බ්ලොග් යාළුවන්ට වගේම විදෙස් රට වල ඉන්න අපේ බ්ලොග් යාළුවන්ටත්  රූපමය පෙළහරක් හෝ අත්විදින්න අවස්ථාවක් සලසලා දෙන්න ඕනේ කියලා හිතුන නිසයි මේ ලිපිය ලියන්න හිතුවේ.. 


මේ තියෙන්නේ විදුලි පහන් ආලෝකයෙන් වර්ණාවත් වුනු කැලණි විහාර භූමිය. විහාර භූමිය වගේම වෙසක් කලාපයත් එකම හිස් ගොඩක් විදිහට තමයි දිස්වුනේ.
රිවාර කූඩු ඉතා විශාල ප්‍රමාණයකින් නිර්මාණය වුනු වෙසක් කලාපය තුළ වු විශාලතම පහන් කූඩුවයි මේ.

ස්වභාවික අමුද්‍රව්‍ය වලට මුල් තැන දෙමින් මේ කූඩු බොහෝමයක් නිර්මාණය වී තිබීමත් කැපී පෙනෙන ලක්ෂණයක් වුනා.


මේ පහන් කූඩුවේ ඉහළ කොටසින් සම්බුදු තෙමගුලත් පහළ කොටසින් වෙස්සන්තර ජාතකයත් පෙන්නුම්කරලා තිබුනා ..

වෙසක් පහන් කූඩු වල තිබුනු තවත් එක ලක්ෂණයක් තමයි ඒවා බොහොම සියුම්ව නිර්මාණය කර තිබූ ඒවා වීම.

මේ බුද්ධගයාවේ ආකෘතියක්.


ම‍ටුළු යොදාගෙන කරපු අපූරු නිර්මාණයක්.


කැලණි පෙරහැරේ කරඬුව වඩම්මන ඇත් රාජයා තමයි මේ ඉන්නේ ...


පොල් ක‍ටු වලින් මේ අපූරු පහන් කූඩුව නිර්මාණය කරපු මාමා තමයි ඔය කූඩුව ලඟින් ඉන්නේ..


වෙසක් කාලාපය තුල තිබ්බ ලස්සනම කූඩු අතරින් තවත් එක ලස්සන කූඩුවක්..


වෙසක් කූඩු නිර්මාණය කරන්න වගේම ඒ සඳහා විවිධ වර්ණයන්ගේ යුක්ත විදුලි ආලෝකය ලබා දෙන්නත් බොහෝ වෙහෙස මහන්සි වෙලා තිබුනා.



මේ විදිහට කැලණි ගඟ අසබඩ පුජා භූමි ප්‍රදේශය පුරාවටම එක පෙලට නිර්මාණය වුනු වෙසක් පහන් කූඩු ‍රැසක් දකින්න ලැබුනා.

වෙසක් පහන් කූඩු අතරේ 11වෙනි වරට නිර්මාණය වුනු මහා තොරණ ගුත්තිල ජාතකය නිරූපණය කලා .. තොරණේ පැහැදිලි ඡායාරූප කිහිපයක් ගන්න නම් අවස්ථාව ලැබුනේ නෑ..

ඡායාරූපයට නැගුනේ තුශානිගේ සිත් ගත්ත පහන් කූඩු කීපයක් විතරයි.. ඉතින් පුලුවන් කමක් තියනව නම් වෙසක් සතිය පුරාවටම පැවැත්වෙන මේ කැලණි වෙසක් කලාපය නරඹන්න ඇවිත් සියසින්ම ඒ අසිරිය විඳ ගන්න කියලා තුශානි බොහොම ගෞරවයෙන් හැම කෙනෙක්ටම ආරාධනා කරනවා...


Wednesday, May 14, 2014

පින්බර වෙසක් මංගල්‍යයක් වේවා !

























කෙලෙස් ඝනඳුර මැකු පහන් සිල   සේ       
සාදු නද හා ‍රැව් දුන් ඝන්ඨා නද      සේ     
සිල් සුවඳ හා මුසු මල් සුවඳ           සේ      
සියළු සත සිත් නිවී පහන් වේවා !                

තරහ හිරු දු‍ටු පිනි බිදක්               සේ                       
මාන පෙණ පිඩු විසිර යන            සේ                   
මෝහ පහවන දිය බුබුළු              සේ                    
දුරුව සහනය ලැබේවා !        

සැලෙන සිත බෝ පතක්             සේ
දෝමනස් මල් පරව යන             සේ
අයස දිය මත ඇඳි ඉරක්              සේ
නික්ම ගොස් යලි නො ඒවා !            


සතර බඹ විහරණය ලත්             සේ
සතුට සැනසුම සුවය සම             සේ
උතුම් තෙමගුල පසක් කල          සේ 

ලොවට  යහපත උදාවේවා !            

පින්බර වෙසක් මංගල්‍යයක් වේවා  !
    
    

Monday, May 12, 2014

අපායේ යන පාර ...

සාමාන්‍යයෙන් කවුරුහරි කොහේහරි ගමනක් යන්න කතා කලොත් අපි හුඟ දෙනෙක් බොහොම කැමැත්තෙන් තමයි ඒකට සම්බන්ද වෙන්නේ. වෙනදාට උදේ පාන්දර  නැගිටින්න වුනාම තව ටිකක් වෙලා කොට්ටෙත් තුරුළු කරන නිදා ගන්න තිබුන නම් හොඳයි කියලා හිතුනත් එදාට එහෙම හිතෙන්නේ නැති එ හරි පුදුම සහගතයි..  

ඒත් කවුරුහරි අපායේ යන්න කතා කලොත් එයා අපිට කොයිතරම් හිතවත් කෙනෙක් වුනත් අපි එයත් එක්ක යන්න කැමති වෙන්නේ නෑනේ.. ඒ නිසා ඔන්න මම අපායේ යන්න එන්න කියලා නම් කතා කරන්නේ නෑ... ගිහින් බලලා එන්න කැමති කෙනෙක් ඉන්නව නම් යන පාරයි, යන්න අකමැති අයට පින්තූර ටිකකුයි, විස්තර ටිකකුයි කියන්න තමයි අද පෝස්ට් එක ලියන්නේ..




මෙන්න මෙහෙමයි අපායට යන්නේ...  

අපායට යන දොරටුව පිහිටලා තියෙන්නේ ලෝක සිතියමේ ඉරානෙටයි ඇෆ්ගනිස්තානෙටයි ටිකක් උඩින් තියෙන තුර්ක්මෙනිස්ථාන (Turkmenistan) කියන රටේ. තුර්ක්මෙනිස්ථානයේ කාරාකුම් කාන්තාරයේ ඩර්වේස් (Derweze ) වල. ඔය පහලින් පෙන්නලා තියෙන්නේ හරියටම තැන..



තුර්ක්මෙනිස්ථානයේ අගනුවර වූ ඈෂ්ගැබැට්වලට උතුරින් කිලෝමීටර් 260ක් ඈතින් තමයි මේ ඩර්වේස් ගම්මානය තියෙන්නේ.. ඩර්වේස් ගම්මානයේ 350ක පමණ ජනගහනයක් ජීවත් වෙනවා.




ඒරල් මුහුද මෙයට උතුරින් පිහිටා ඇති අතර අමුදර්යා ගංගාව හා කිසිල්කුම් කාන්තාරය ඊසාන දිගින් පිහිටා තියෙනවා. ඒ කියන්නේ කැස්පියන් මුහුදට නැගෙනහිරින් තමයි ඩර්වේස්  පිහිටලා තියෙන්නේ..

මේ ප‍්‍රදේශයේ විශාල වශයෙන් තෙල් සහ ස්වාභාවික වායු නිධි තියෙනවා කියලා හොයාගෙන තියනවා.





සෝවියට් භූවිද්‍යාඥයන් පිරිස හිතුවේ මේ දැවීම දින කීපයකින් අවසන් වේවි කියලයි. ඒත් ඒක අදත් එක විදියට ම දැවෙමින් පවතිනවා.මෙයින් නිකුත් වෙන ගිනිදැල් ඩර්වේස්හී අවට සැතැපුම් ගණනාවක් ඈතට පෙනෙනවා කියලයි දැනගන්න ලැබුනේ.





මේ ඉන්නේ අපායේ යන්න ලැස්තිවෙන අය..



 

2010 දී එරට ජනාධිපති ගුර්බැන්ගුලි බර්දිමුහමදෝ ද මෙය නැරඹීමට පැමිණ මෙය වසා දමන සේ නියෝග කළා. ඒත් තවමත් එය සිදු වන පාටක් නැහැ. තුර්ක්මෙනිස්ථානයේ වැඩි කොටසක් වසා සිටින කාරාකුම් කාන්තාරය මැද පිහිටි එකක් නිසා වසා දැමීම ලේසියෙන් කළ හැක්කකුත්  නොවෙයි.




ඔන්න ඉතින් අපායේ යන්න අදහසක් එහෙම තියෙනව නම් ඔන්න අපායේ දොරටුව තියෙන තැනයි, පාරයි කිව්වා.. 

අර වෙසක් තොරණ්වල, රූකඩ වල, හොල්මන් මන්දිර වල තියෙන කටු ඉඹුලයි, ලෝ දිය හැලියයි, අපායේ ගිහිල්ල ඉන්න කට්ටියයි බලන්න නම් දොරටුවෙන් ඇතුලට යන්නම වෙනවා. :) 


ප. ලි. - පින්තූර සහ සියළු විස්තර අන්තරජාලයෙන්... 

Wednesday, May 7, 2014

යකඩ යකා එක්ක අතීත සවාරියක්...

පහුගිය දවස් ටිකේ ටිකක් වැඩිපුර යකඩ යකා ගැන කතා බහ වුන නිසා යකඩ යකා එක්ක බැදිච්ච ටිකක් දුර්ලභ ගනයේ පරණ පින්තූර ටිකක් කට්ටියටම බලන්න බ්ලොග් පිටු අතරට එක් කරන්න ඕනේ කියලා තුශානි හිතුවා .. 

ඊ මෙල් එකකින් තමයි මේ පින්තූර ටික ලැබුනේ...  බලන්නකෝ...


1894 දී ඔහිය දුම්රියපොළ අවට ප්‍රදේශය.. 




1910 දී කඩුගන්නව දුම්රිය මාර්ගය... 





1860 දී කොළඹ - නුවර  දුම්රිය මාර්ගය ...












1894 දී ගිංතොට දුම්රිය පාලම ...


1890  දී පොතුහැර දුම්රිය පොළ ...




Related Posts Plugin for WordPress, Blogger...