සුබ උපන්දිනයක් අම්මා...

සඳෙහි වු සොමි ගුණය
හද පතුලේ රඳවමින්
තරු එළිය කරන්නට
කිරණ දුන්නේ ඔබයි...

නෙතු පියන් විලස හිඳ
රැකගමින් නිරතුරුව
ආදරෙන් හොඳ නරක
කියාදුන්නේ ඔබයි..

ඔබෙ සුවඳ කිරි සුවඳේ
මුසුව ජීවය දෙමින්
තුරුලේ හිඳ නැළවෙන්න
සෙවන වුයේ ඔබයි...

මුවග පිරි සිනාවත්
සතුට රැඳි දිවි රටාවත්
යෙහෙළියක් ලෙසින් හිඳ
පෙන්වුවේ ඔබයි...

දූ පොඩිත්තක් ලෙසට
මේ භවේ ලෙසින් මතු
උපදිනා හැම භවේ
පතන්නේ ඔබයි...

සුබම සුබ උපන්දිනයක් අම්මා..