පරතෙරක් නොපෙනෙනා සයුරක
මහමෙරක් පැතුමන් අරන්
සයුර ගුවනට මුසුවනා ඉම
ඈත සිතිජය වෙත යමින්...
පහන්
තරුවෙන් එළිය ලැබගෙන
මින් රැලෙන් මග විමසමින්
පෙළට නැග එන රළ මතින් පැන
නිම් වලළු දක්නා රිසින්...
මින් රැලෙන් මග විමසමින්
පෙළට නැග එන රළ මතින් පැන
නිම් වලළු දක්නා රිසින්...
යකඩ බඳ ලෙස ජීව ලද මුත්
ප්රාණ ලැබ ඩහදිය මතින්
සයුර හා උරෙනුර ගැටීගෙන
පසු නොබා පෙරටම යමින්...
ජීවිතෙත් මෙය මැයි පසක් කර
දුක සතුට රළ පසුකරන්
ගමන අවසන නැංගුරමලා
නැවත ගමනක මතු දිනේ...
~*~
