දියණිය විලස පැමිනෙයි ඇය කැදැල්ලට
වෙයි සොයුරියක් සොහොයුර සොහොයුරියන් හට
යෙහෙලිය ලෙසින් මිතු දම් රකිමින් සැමට
වෙයි තරුණියක් ළදැරිය දින ගෙවෙන විට
වෙයි සොයුරියක් සොහොයුර සොහොයුරියන් හට
යෙහෙලිය ලෙසින් මිතු දම් රකිමින් සැමට
වෙයි තරුණියක් ළදැරිය දින ගෙවෙන විට
පෙම්වතියක් වෙමින් ඇය බිරිඳක් ලෙසට
පතිකුලයට පිය නගයි නව දිවියක් වෙතට
මව් පදවියක් දරමින් ඇය දරුවනට
මිත්තනියක් වෙයි මුණුපුරු මිණිපිරියන්ට
පතිකුලයට පිය නගයි නව දිවියක් වෙතට
මව් පදවියක් දරමින් ඇය දරුවනට
මිත්තනියක් වෙයි මුණුපුරු මිණිපිරියන්ට
ජීවන ගමනේ විවිධ වු භූමිකාවන් නිරූපනය කරමින්
පවුලට , රටට , ලෝකයට
වැඩදායි වූ මෙහෙයක් ඉටු කරන
සියළු කතුන්ට
උපහාරයක් වේවා !
