ගීයේ හිමිකරුවා ඔබයි ...

  ජීවිතයේ සොඳුරු කවියේ

 විසිරුණු පද වැල් එක් කොට

පද වැල් එකිනෙක ඇමිනූ

මනහර රන් පන්හිඳ ඔබ

වයලීනයේ සුසර තතට
අතැඟිලි ගැටෙනා තාලේට
මැවුනු සප්ත ස්වර රටාවේ
සොඳුරු මියුරු තනුවකි ඔබ

හඬ ගා ගී රාව දෙන්න
 පද වැල් තනුවට ගයන්න

ආදරයෙන් හුස්ම පෙවු
  මධුර ගීත ස්වරයයි ඔබ 

මිණි කිංකිණි හඬ අතරේ
පා තබනා හැටි තාලෙට

කියාදෙමින් වාරු දුන්නු
යෝධ බලැති ශක්තිය ඔබ
 

වෙයි නම් සුමිහිරි ගීයක්
පද වැල් තනු පදමට මුසු
ඒ සැමටම මුල් ගල වු
ගීයේ හිමිකරුවා ඔබයි ...